Dear vlah,
Nagkagalit ang dalawa sa matalik kong kaibigan at dahil lagi naman kaming tatlo ang magkakasama lagi e ako ang naiipit sa kanila. Maliit lang na issue ang ugat ng problema, kahit ako e naliliitan dito pero dahil silang dalawa ang magkaumpukan e lumalaki.
Nagsimula ang lahat sa isang maliit na komento. Gumagawa kasi kami ng proyekto para sa Humanities namin at kinakailangan na maipasa agad ito. Nagkasundo kaming tatlo sa konsepto ng proyekto, akala ko ay magiging maayos ang paggawa namin ngunit mali pala. Hinati-hati na namin ang trabaho upang mas mapadali ito, habang tumatakbo ang mga araw akala ko maayos na ang lahat, matatapos na ang aming proyekto.
Hindi pala, nagkaroon pala ng munting alitan ang dalawa dahil nasita ni "C" si "B". Patumpik-tumpik pa daw kasi si "B" kaya't natatagalan ang proseso ng pagpapasa. Mula doon ay lumaki na ang away. At ako ang naaapektuhan.
Gusto ko sila maayos, kaya't pilit ko silang pinagbabati. Sa huling subok ko, pareho silang nagalit sa akin. Gusto ko na po maayos ang mga pangyayari. Ano po ba ang dapat kong gawin?
Nagmamahal,
Dee
No comments:
Post a Comment